Kaleo á þrennum tónleikum Rolling Stones

Íslenska rokksveit­in Kal­eo mun hita upp fyr­ir Roll­ing Stones á þremur fyrstum tón­leik­um  í hljómleikaferð sveitarinnar í Evrópu. Fyrstu tónleikarnir eru í Hamborg annað kvöld, næstu er í München 12. september og þeir þriðju í Spielberg í Austurríki 16. september.

Fyrr í vikunni var tilkynnt um hvaða hljómsveitir myndu koma fram með Rolling Stones á Evrópuferðalagi hljómasveitarinnar næstu mánuði.

Rolling Stones. AFP

Athygli vekur að Rolling Stones mun ekki halda tónleika í Bretlandi að þessu sinni en það er vegna íþróttaleikja á leikvöngum í landinu. Meðal annars mun hljómsveitin koma fram á tónleikum í Stokkhólmi og Kaupmannahöfn auk Parísar.

Upplýsingar um tónleikaferðalagið

Frétt af mbl.is

Hita upp á tónleikum Rolling Stones

• Blogga um frétt