Þriggja ára gömul dóttir leikaranna Milu Kunis og Ashton Kutcher fær vín á föstudögum. Kunis segir að dóttir sín hafi drukkið vín síðan hún fæddist.
Kunis segir frá þessu í nýju viðtali samkvæmt Independent. Ekki er þó um óhólflega drykkju að ræða heldur hluta af trúarathöfn en Kunis er af gyðingaættum. „Við höldum Shabbat heima hjá okkur. Á Shabbat færðu vínsopa,“ sagði Kunis í viðtalinu.
Gyðingar halda Shabbat á föstudögum og vaknar hin þriggja ára Wyett Isabella á föstudagsmorgnum og segir að hún geti fengið sér vín vegna þess að það er föstudagur.
Kunis fæddist í Úkraínu en fluttist til Bandaríkjanna þegar hún var barn. Hún hefur áður sagt að foreldrar hennar hafi reynt að veita henni gyðinglegt uppeldi og svo virðist sem hún ætli einnig að veita börnum sínum slíkt uppeldi.