Natalie Portman lét Hollywood heyra það
Natalie Portman skaut föstum skotum á Golden Globe verðlaunahátíðinni.
mbl.is/AFP
Setja bókamerki
Leikkonan Natalie Portman þurfti ekki að halda langan reiðilestur yfir Hollywood til þess að koma skilaboðum sínum á framfæri þegar Golden Globe-verðlaunin voru afhent í gær, sunnudag.
Portman skaut á draumaverksmiðjuna þegar hún veitti verðlaun ásamt leikstjóranum Ron Howard. Portman fékk orðið eftir að Howard sagði að þau væru að veita verðlaun fyrir bestu leikstjórn. „Og hér eru allar karlmannstilnefningarnar,“ sagði Portman og uppskar mikil fagnaðarlæti.
Með því að skjóta inn einu orði benti Portman á þá staðreynd að einungis karlmenn væru tilnefndir í flokknum. Það var leikstjórinn Guillermo Del Toro sem fór heim með styttuna fyrir kvikmynd sína Shape of Water.
77 ár á milli þess elsta og yngsta
Dregið úr gosóróa
„Sá vegur er bæði háll og myrkur“
Gasmengun gæti borist yfir höfuðborgarsvæðið
Reiðubúin að aflýsa verkföllum í fjórum leikskólum
Í kappi við tímann að reyna að afstýra verkfalli
Þarf að koma til móts við ólíkar þarfir lækna