Eftir ræðu Opruh Winfrey á Golden Globe-verðlaunahátíðinni vilja enn fleiri sjá hana í Hvíta húsinu. Stjörnurnar voru yfir sig ánægðar með Oprah og hugmyndin um forsetann Opruh Winfrey fór á flug á samfélagsmiðlum.
„Fólkið ræður því,“ sagði Stedman Graham við Los Angeles Times. „Hún mundi algerlega gera það.“ Þessi svör benda til þess að Graham sé opinn fyrir þeirri hugmynd að Oprah sækist eftir kjöri næst þegar kosið verður um forseta Bandaríkjanna. Graham hefur verið kærasti Opruh í yfir 30 ár.