Býr í sandkastala

Híbýli fólks eru misjöfn eins og sést á bústað Marcio Mizael Matolias sem býr í sandkastala á strönd í Rio de Janeiro í Brasilíu. Með honum í kastalanum býr hundurinn Humana. 

Nágrannar og vinir Matalias kalla hann kónginn en hann hefur búið á ströndinni í 22 ár. Ljósmyndari smellti af honum mynd þar sem hann sat í hásæti sínu með kórónu fyrir framan höll sína eins og alvörukóngur. 

Þrátt fyrir að sandur komi í stað gulls og marmara er höllin glæsileg og hefur Matolias komið sér vel fyrir umkringdur bókum, golfkylfum og veiðistöngum.