Íslensk náttúra og menning eru í stórum hlutverkum í kynningu á nýjum Samsung S9 síma. Tónskáldið Pétur Jónsson var fenginn til að gera útgáfu á einkennandi hringitón Samsung og íslensk náttúra er í aðalhlutverki í myndbandi við lagið. Útgáfa Péturs verður í símunum þegar þeir koma á markað.

„Samsung voru að leita af kvikmyndaskotinni útgáfu af laginu, og leituðu því á meðal kvikmyndatónlistarmanna á Íslandi, því að ísland var líka mikilvægur hluti af verkefninu, þar sem hróður tónlistarinnar okkar fer víða, og ég naut góðs af því,“ segir Pétur í samtali við mbl.is.

Over the Horizon hefur verið einn mest notaði hringitónn heims frá því að S-Kóreyski tæknirisinn setti hann fyrst í símana árið 2011. Pétur segir verkefnið hafa verið afar umfangsmikið. „Ferlið tók marga mánuði, og var flókið, því að markaðssetning af þessu tagi þarf að fara í gegnum flókin samþykktarferli hjá svona stórfyrirtækjum,“ segir Pétur.

Myndbandið má sjá hér að neðan en íslenskt landslag er þar í stóru hlutverki.

Tengdar fréttir

Talandi um tónlist!

Þurfti að bæta við sætum vegna mikillar aðsóknar

• „Það var mjög gaman að kynna tónlistina mína fyrir Frökkum“
• GDRN hitar upp fyrir Sisters Sledge
• Vinsælasta ballband Íslandssögunnar stígur á svið
• MTV-sjónvarpsstöðin elskar Laufeyju

» Fleiri tengdar fréttir

• Blogga um frétt