Hildur hitti John Travolta

Hildur Björnsdóttir sem skipar 2. sæti á lista Sjálfstæðisflokksins í Reykjavík hitti leikarann John Travolta á 101 hóteli þar sem hann gistir ásamt fjölskyldu sinni. Leikarinn er heimsfrægur en hann gerði kvenpeninginn vitlausan í kvikmyndinni Grease. Enginn þótti meira töff en hann. Síðan þá hefur hann leikið hvert stórhlutverkið á fætur öðru. 

Hildur og Travolta hittust í gærkvöldi en þar var hún að gera sér glaðan dag ásamt Katrínu Atladóttur, Laufeyju Rún Ketilsdóttur og Söndru Ocares. Heimildir mbl.is herma að farið hafi vel á með þeim en leikarinn var að koma frá Cannes þar sem helstu stjórstjörnur heimsins hafa dvalið síðustu daga. 

• Blogga um frétt