Hin nýgifta hertogaynja af Sussex, Meghan Markle, og Elísabet Englandsdrottning voru viðstaddar opnun Mersey-brúarinnar í Chester, Cheshire, í dag. Þetta er fyrsta konunglega heimsóknin sem Markle tekur þátt í án eiginmanns síns. Þær heiðruðu einnig fórnarlömb Grenfell-brunans, en eitt ár er liðið síðan byggingin brann og 72 manns létust.
Það fór vel á með þeim Elísabetu og Markle eins og má sjá af myndum þar sem þær flissa saman að einhverju skemmtilegu. Drottningin klæddist skærgrænni dragt en Markle klæddist fallegum kjól frá Givency.