Leikarinn Miles Teller, sem hefur meðal annars leikið í Divergent-myndunum og Fantasic Four, mun leika í Top Gun 2. Teller mun fara með hlutverk sonar Goose, Bradley Bradshaw. Goose var aðstoðarflugmaður Maverick í fyrstu myndinni.
Fyrsta Top Gun-myndin kom út árið 1986 og fjallar um flugmanninn Maverick. Top Gun 2 hefur verið á teikniborðinu lengi en tökur á myndinni hófust í byrjun júní og er áætlað að hún komi út á næsta ári.
Ekki er búið að gefa út hverjir munu leika í myndinni fyrir utan Tom Cruise í hlutverki Maverick, Val Kilmer í hlutverki Iceman og nú Teller í hlutverki Bradley Bradshaw.