Demi Lovato flutt með hraði á spítala

Söngkonan Demi Lovato var flutt á spítala í Los Angeles vestanhafs í dag vegna gruns um að hún hefði tekið of stóran skammt af heróíni. 

TMZ-vefurinn hefur það eftir lögreglu að söngkonan hafi verið flutt með hraði á spítala frá heimili sínu í Hollywood en ekki er vitað hvernig ástand hennar er.

Lovato var gefið lyfið Narcan sem notað er til að sporna við of stór­um skammti af deyfi­lyfj­um.

Lovato, sem er 25 ára gömul, hef­ur glímt við átröskun og fíkni­sjúk­dóma allt frá því að hún var tán­ing­ur. Hún hafði verið edrú í sex ár í mars síðastliðnum en sendi frá sér lag í síðasta mánuði þar sem fram kemur að hún hafi fallið.

• Blogga um frétt