Grínistinn Jón Gnarr kom notendum á Twitter skemmtilega á óvart í gærkvöldi þegar hann tók áskorun Geirs Finnssonar um að lesa upp athugasemd Jóns Vals Jenssonar í Indriða-karakternum. Indriði er karakter úr Fóstbræðrum sem hefur notið mikilla vinsælla. 

Athugasemdina skrifaði Jón Valur á Facebook þar sem hann er ekki sáttur með málninguna á Skólavörðustíg í tilefni Hinsegin daga og hinseginfræðslu sem Samtökin 78 bjóða upp á í grunnskólum. Uppsetningin þykir minna á talanda Indriða, sem er yfirleitt hneykslaður á einhverju sem er að gerast. 

Upplestur Jóns hefur notið mikilla vinsælda á Twitter og þegar þetta er skrifað hafa tæplega þrjú þúsund manns líkað við færsluna. 

Halda skal því til haga að jafnréttismenntun er í námskrá grunnskóla, líkt og Halldór Auðar Svansson bendir á og því ásakanir Jóns Vals ekki á rökum reistar.

Tengdar fréttir

Hinsegin dagar 2018

Mikið um dýrðir í gleðigöngunni

• „Frelsisstríðum lýkur aldrei“
• Gleðin við völd
• Markmiðið að vera ekki í felum
• Frelsi til að vera frábær

» Fleiri tengdar fréttir

• Blogga um frétt