Chloé Moretz búin að jafna sig á Beckham?

Leikkonan Chloé Grace Moretz virðist vera búin að jafna sig á Brooklyn Beckham ef marka má sögusagnir. Fyrr í vikunni sást hún á stefnumóti með leikaranum Dylan O'Brien.

Moretz og Brooklyn hafa átt í slitróttu sambandi síðastliðin ár og hættu síðast saman í byrjun árs. Hvorugt þeirra hefur verið í sambandi síðan en Brooklyn sást með playboy-fyrirsætuna Lexi Woods upp á arminn í apríl. 

Dylan O'Brien er hvað best þekktur fyrir túlkun sína á Thomas í þríleiknum The Maze Runner. Fréttirnar um stefnumót þeirra Moretz eru áhugaverðar fyrir þær sakir að árið 2011 sagði hann að hann væri hrifinn af henni, eftir að hafa séð hana í kvikmyndinni Kick-Ass. Hann dró þó athugasemd sína til baka eftir að hann „gúgglaði“ og komst að því að hún var aðeins 14 ára. 

Núna er hún hins vegar 21 árs og hann 26 ára og því enginn aldursmunur eða Beckham að stoppa þau. 

Chloé Grace Moretz og Dylan O'Brien. skjáskot

• Blogga um frétt