Hafþór Júlíus kvæntist ástinni sinni

Game of Thrones-stjarnan Hafþór Júlíus Björnsson eða Fjallið eins og hann er oft kallaður er búinn að kvænast ástinni sinni, Kelsey Morgan Henson. Hafþór birti skemmtilega mynd af þeim hjónum um helgina og staðfesti hjónabandið. 

Hafþór sem segist vera spenntur fyrir framtíðinni með eiginkonu sinni heldur á Henson á brúðkaupsmyndinni sem hann birti og kemur stærðarmunurinn bersýnilega í ljós. 

Parið kynntist á veitingastað í Kanada í september í fyrra. Var Hafþór Júlíus í Kanada til að keppa í keppninni um sterkasta mann í heimi en Henson sem er kanadísk var þjónn á veitingastaðnum. 

• Blogga um frétt