Stórstjörnur úti að borða í Reykjavík

Ashton Kutcher og Mila Kunis eru komin í hóp heimsþekktra Íslandsvina en leikarahjónin sáust á veitingastaðnum Matarkjallaranum í vikunni. Hjónin hafa farið leynt með Íslandsferðina enda passa þau að halda einkalífinu fyrir sig og eru til að mynda ekki virk á samfélagsmiðlum. 

Að sögn sjónarvotts voru hjónin bara tvö og fór lítið fyrir þeim. Fór þó ekki á milli mála að þarna voru þau Kutcher og Kunis á ferð. Ekki fylgir sögunni hvað hjónin pöntuðu sér en fiskurinn er vafalaust góður á veitingastaðnum. 

Þegar haft var samband við forsvarsmenn Matarkjallarans fengust þau svör að staðurinn gæfi ekki upp gestalista sinn og tjáði sig ekki um gestina. 

Ashton Kutcher og Mila Kunis. PAUL BUCK

• Blogga um frétt