Fór í einkaþjálfun og grenntist

Leikkonan Rebel Wilson er þekkt fyrir að vera stolt af línunum sínum en að undaförnu hefur grínleikkonan grennst töluvert. Vakti hún athygli á rauða dreglinum í október fyrir aðeins grennri vöxt en vanalega. 

Eitt af því sem Wilson gerði til að komast í betra form var að fara í einkaþjálfun en stjörnuþjálfarinn Gunnar Peterson greindi frá því í viðtali við Us Weekly í sumar að hann væri að þjálfa leikkonuna. Wilson er þekkt fyrir góðan húmor en hún kemst þó ekki upp með neitt grín á æfingum hjá Peterson. „Meðan á æfingu stendur er vinna,“ segir þjálfarinn sem finnst þó gaman að grínast með leikkonunni á milli æfinga.

Peterson er einn vinsælasti þjálfarinn í Hollywood og þjálfar stjörnur á borð við Khloé Kardasian, Kate Beckinsale og engan annan en Sylvester Stallone. 

Rebel Wilson þann 22. október. AFP

• Blogga um frétt