Sjötugur og sæll prins á afmælismyndunum
Setja bókamerki
Karl Bretaprins fagnar 70 ára afmæli í dag. Breska konungsfjölskyldan sendi frá sér tvær myndir af afmælisprinsinum með fjölskyldu sinni. Lítur Karl út fyrir að vera góður afi á myndinni enda með Georg litla prins í kjöltu sinni.
Auk Georgs á myndinni sem tekin var í garði prinsins í sumar má sjá hin barnabörnin tvö þau Karlottu prinsessu og Lúðvík prins. Þau Camilla eiginkona hans, Vilhjálmur og Katrín og Harry og Meghan virðast líka í mjög góðu skapi á myndinni.
Afmæli prinsins hefur verið fagnað með ýmsum hætti síðustu daga en fyrsta veislan fór reyndar fram í sumar. Prinsinn er ekki enn orðinn kóngur þrátt fyrir að vera orðinn sjötugur en eitt er víst að hann er tilbúinn fyrir starfið eins og hann lýsti yfir í nýju viðtali í tilefni afmælisins.
„Ég átta mig á að það er allt annað að vera þjóðhöfðingi. Svo auðvitað skil ég fullkomlega hvernig ég á að vinna,“ sagði Karl sem hefur verið umdeildur fyrir að skipta sér af umdeildum málefnum sem prins.
Efast um eitt frægasta morðmál Íslands
Engar vísbendingar um að kvika sé á leiðinni upp
Missti heimilið í þriðja sinn í eldsvoða
„Aldrei verið svona hrædd“
Vildu yfirráð Íslands á Grænlandi
Allir landsbyggðarþingmenn fá styrk
Skella skuldinni á Búseta