Samtalið á Klaustri leiklesið
Setja bókamerki
Mánudaginn 3. desember klukkan hálfníu mun leikhópur Borgarleikhússins leiklesa hluta úr samtali þingmanna á veitingastaðnum Klaustri. Samtalið var tekið upp og hafa brot úr því birst í fjölmiðlum í vikunni.
„Eitt af meginhlutverkum leikhússins er að varpa ljósi á málefni líðandi stundar. Með þessum viðburði leitast leikhúsið við að skoða ábyrgð og orðræðu kjörinna fulltrúa í lýðræðislegu samhengi,“ segir í tilkynningu frá Borgarleikhúsinu.
Viðburðurinn, sem verður á Litla sviði leikhússins, er öllum opinn og aðgangur ókeypis. Ef salurinn fyllist verður leiklestrinum einnig streymt í forsal leikhússins. Auk þess verður hægt að fylgjast með því streymi á netinu og verða upplýsingar um það birtar síðar. Húsið verður opnað klukkan átta og er fólk hvatt til að mæta tímanlega.
Búseta skortir byggingarlóðir
Ástæða til að ætla að eldgosahrinu fari að ljúka
Myndir: Grindavíkurvegur aftur undir hraun
Gosið gæti varað lengur: Meiri fyrirstaða í gosrásinni
Hluti bílastæðis undir hraun: Ómögulegt að meta tjón
Mæðgur dæmdar til að greiða 64 milljónir
„Má segja að þetta gos hafi þjófstartað“