Natalie Portman hefur leikið á móti stjörnuhjónunum Ashton Kutcher og Milu Kunis hvoru í sinni myndinni. „Ég hef kysst þau bæði,“ sagði Portman í þætti Andy Cohen í vikunni.
Portman átti auðvelt með að svara þegar spjallþáttastjórnandinn spurði hana hvort væri betri í að kyssa. „Mila,“ sagði Portman. „Ég meina að sjálfsögðu.“
Hin 37 ára gamla leikkona lék á móti Ashton Kutcher í No Strings Attached sem kom út ári eftir að Black Swan kom út þar sem hún lék á móti Milu Kunis, eiginkonu Kutcher. Kunis og Kutcher byrjuðu þó ekki saman fyrr en eftir að myndirnar komu út.