Bieber-hjónin bjóða í brúðkaup

Justin Bieber og Hailey Baldwin eru kannski gift á pappírum en athöfnin er þó eftir sem og brúðkaupsveislan. Nú eru hjónin sögð hafa sent út boðskort þar sem fólk er beðið um að taka frá dag fyrir brúðkaupið. 

Page Six greinir frá því að fjölskylda og vinir hafi verið beðin um að taka frá 28. febrúar. Engin staðsetning var þó gefin upp. Verið er að undirbúa brúðkaupið á fullu og er Tay James, persónulegur plötusnúður Bieber, sagður ætla að spila tónlist í brúðkaupinu. 

Gestalistinn ætti að vera stjörnum prýddur enda Bieber búinn að vera lengi í bransanum, Baldwin kemur úr sannkallaðri Hollywood-fjölskyldu og er vinkona marga af frægustu fyrirsætum í heimi enda starfar hún sjálf sem fyrirsæta. 

• Blogga um frétt