Óþekkjanleg án farða

Bandaríska söngkonan Kesha birti á dögunum mynd af sér án farða. Söngkonan er nánast óþekkjanleg enda sýnir hún freknur sínar á myndinni sem hún er dugleg að fela. 

Segist söngkonan hafa sett sér það áramótaheit að elska sjálfa sig eins og hún er þrátt fyrir það sem hún kallar ófullkomið. Ætlar hún til að mynda að leyfa freknunum sínum að njóta sín. 

Kesha hefur hingað til ekki verið að flagga freknunum á opinberum viðburðum eins og sést á myndum af söngkonunni í myndabanka AFP.