Kate Beckinsale lögð inn vegna mikilla verkja

Breska leikkonan Kate Beckinsale var lögð inn á spítala vegna mikilla verkja í gær. Í ljós kom að blaðra á eggjastokk hennar sprakk. Beckinsale greindi frá þessu í færslu á Instagram. Hún segir að hún hafi ákveðið að grípa inn í umræðuna vegna þess að ljósmyndarar hafi náð mynd af henni í hjólastól fyrir utan spítalann. 

„Kemur í ljós að það er virkilega sársaukafullt þegar blaðra springur á eggjastokkunum og morfín kemur mér til að gráta. Ég er þakklát öllum þeim sem hugsuðu um mig,“ skrifaði Beckinsale í færsluna. 

Beckinsale er hvað best þekkt fyrir leik sinn í Underworld-kvikmyndunum. Hún lék einnig í kvikmyndinni Contraband sem Baltasar Kormákur leikstýrði.

• Blogga um frétt