Paltrow kærð fyrir að valda skíðaslysi

Karlmaður í Utah í Bandaríkjunum hefur kært leikkonuna Gwyneth Paltrow fyrir að valda honum heilaskaða í skíðaslysi í Utah í febrúar 2016.

Samkvæmt heimildum NBC var Paltrow stödd ásamt skíðaleiðbeinanda í brekku í Park City í Utah og klessti á mann. Maðurinn féll fram fyrir sig og braut fjögur rifbein og hlaut heilahristing. Í kjölfarið hlaut maðurinn varanlegan heilaskaða. Maðurinn hefur nú kært Paltrow fyrir að sýna kæruleysi á skíðunum. Samkvæmt honum skíðaði hún í burtu eins og ekkert hefði komið fyrir og skildi hann eftir liggjandi í snjónum. 

Lögmaður mannsins segir að kæran komi svona seint, tæpum þremur árum seinna, vegna þess að lögfræðingar Paltrow hafi ekki viljað komast að samkomulagi um skaðabætur. Hann fer fram á 3,1 milljón Bandaríkjadala í skaðabætur eða rúmlega 3,7 milljarða íslenskra króna.

• Blogga um frétt