Rami Malek fór heim með Óskar­inn í nótt fyr­ir túlk­un sína á Freddie Mercury. Kvöldið gekk þó ekki áfalla­laust fyr­ir sig en Malek datt af sviðinu eft­ir að hann tók við stytt­unni góðu. 

People grein­ir frá því að Malek hafi dottið niður í áhorf­enda­sal­inn en reynt að halda stytt­unni á lofti. Sjálf­ur virt­ist hann frek­ar hissa á fall­inu. Sjúkra­flutn­inga­fólk kom og sinnti leik­ar­an­um sem var flutt­ur í stól í fremstu röð og síðar baksviðs.

Ekki voru nein­ir sýni­leg­ir áverk­ar á leik­ar­an­um en hann mætti þó of seint í mynda­töku með öðrum leik­ur­um eft­ir verðlauna­af­hend­ing­una. Oli­via Colm­an, Mahers­hala Ali og Reg­ina King létu mynda sig sam­an áður en Malek kom loks­ins eft­ir fallið.