Það fyrsta sem leikarinn Rami Malek gerði eftir að hann vann Óskarinn fyrir besta leik í aðalhlutverki í nótt var að kyssa kærustuna sína, Lucy Boynton. Kossinn hefur vakið mikla athygli á samfélagsmiðlum og talinn vera koss Óskarsverðlaunanna árið 2019. 

Malek og Boynton kynntust við tökur á myndinni Bohemian Rhapsody en í myndinni leikur Boynton kærustu Freddie Mercury. Nokkur aldursmunur er á parinu en Boynton er 25 ára en Malek er hins vegar 37 ára. 

Malek staðfesti samband þeirra Boynton í janúar. Þegar hann tók við Óskarsverðlaununum í Los Angeles smellti hann ekki bara rembingskossi á Byoton heldur þakkaði henni einnig í ræðu sinni. Sagði hann Boynton hjarta myndarinnar og játaði að hún hefði fangað hjarta hans.