Hatari þyrfti að sýna „rakinn dónaskap“
Setja bókamerki
Til þess að Hatara yrði mögulega vísað úr keppni í Eurovison í Ísrael þyrfti hljómsveitin að brjóta reglurnar með því að „draga pólitík upp á svið eða í þá opinberu viðburði sem Eurovision stendur fyrir“.
Þetta sagði Felix Bergsson, fararstjóri íslenska hópsins í Eurovision í ár, í samtali við Kastljós en hljómsveitin hefur gagnrýnt ástand mála í Ísrael.
Hann sagði að mjög litlu hafi munað að Silvía Nótt yrði rekin úr keppninni á sínum tíma fyrir að gera lítið úr henni og keppnishöldurunum.
KAN er ríkissjónvarpsstöð Ísraela sem sendir frá keppninni og að sögn Felix þarf að koma fram við hana af virðingu. „Ef menn eru með rakinn dónaskap þá getur það gerst,“ sagði hann um mögulega brottvísun. Stjórn Eurovision myndi funda um slíkt en hann kveðst aldrei hafa séð það gert áður.
Hatari er kominn í pásu frá fjölmiðlum, að sögn Felix, og er hljómsveitin að einbeita sér að því að fínstilla atriðið sitt.
Hefðu átt að sniðganga Eurovision
Magnea Marinósdóttir, alþjóðastjórnmálafræðingur og starfsmaður forsætisráðuneytisins, var einnig gestur þáttarins. Hún bjó í austurhluta Jerúsalems í nokkur ár.
Hún sagði að Íslendingar hefðu átt að sniðganga Eurovision vegna landtöku ísraelskra stjórnvalda. Taldi hún að skilaboð Hatara myndu missa marks á sviðinu í Tel Aviv.
„Mér finnst ríki sem eru fulltrúar lýðræðis og mannréttinda í raun og veru vera þátttakendur í mannréttindabroti með því að taka þátt í Eurovision í Ísrael. Það er mín skoðun eftir hafa verið þarna í 4 ár. Ástandið var mun verra en ég hefði nokkurn tímann getað ímyndað mér,“ sagði hún.
Vinna hefst í dag við að reisa undirstöður
Ekki hægt að slá gosið út af borðinu strax
Íslensk kona handtekin á Tenerife eftir líkamsárás
Falskur fyrirvari á auglýsingum Höllu
Rannsókn á menningarnæturmáli lokið
Sendi nektarmyndir af dreng sem hann passaði
Fundur hafinn hjá kennurum, ríki og sveitarfélögum
Fæðuöryggi: „Áttum mat í þrjár vikur“