Segir ástarsambönd Jackson uppgerð
Setja bókamerki
Heimildarmyndin Leaving Neverland var sýnd í Bandaríkjunum um helgina eftir að hafa verið frumsýnd á Sundance-kvikmyndahátíðinni í janúar. Í heimildarmyndinni koma fram alvarlegar ásakanir á hendur Michael Jackson um barnaníð. Kemur meðal annars fram í myndinni að Jackson hafi sviðsett sambönd sín við konur.
Mbl.is hefur áður greint töluvert frá efni myndarinnar en vefmiðillinn ET fór yfir það helsta sem kom fram í myndinni eftir að myndin var sýnd vestanhafs um helgina. Opinber sambönd hans við konur eru þar á meðal.
Í myndinni saka þeir James Safechuck og Wade Robson Jackson um að hafa misnotað þá sem börn. Þegar misnotkunin á að hafa átt sér stað var Jackson þó í samböndum við Lisu Marie Presley og Debbie Rowe, sem hann bæði kvæntist og skildi við.
Safechuck heldur því fram að samböndin hafi verið uppgerð af hálfu Jackson.
„Ég man að Michael sagði mér að hann ætlaði að vera í opinberu sambandi við konur svo fólk myndi ekki gruna neitt. Hann sagði alltaf að hann ætlaði að kvænast, hann þyrfti að kvænast en það myndi ekki þýða neitt,“ er Safechuck sagður hafa rifjað upp í heimildarmyndinni.
Ný ríkisstjórn kynnt á morgun
Barn lést í árásinni
Víkingar komnir yfir 800 milljónir í greiðslur
Ók á hóp fólks á jólamarkaði: Einn látinn
„Mér finnst gamla Samfylkingin komin aftur“
Var engin kristnitaka árið 1000?
Fyrsti blaðamannafundurinn í heild sinni
Forstjóri bendir á ábyrgð birgja vegna verðhækkana
