Bandaríski tónlistarmaðurinn R. Kelly var látinn laus úr fangelsi í dag eftir að hafa greitt meðlagsskuldir sínar. En hann var fangelsaður á miðvikudag vegna vanskila á greiðslu 161 þúsund Bandaríkjadala framfærslueyris til fyrrverandi eiginkonu og þriggja barna þeirra.
Þetta er annað skiptið á stuttum tíma sem R. Kelly er stungið í steininn en 25. febrúar var hann látinn laus eftir að hafa verið í haldi í nokkra daga vegna ásakana um að hafa beitt fjórar konur kynferðislegu ofbeldi.
Þá greiddi hann 100 þúsund dali í tryggingu en hann er meðal annars sakaður um kynferðislegt ofbeldi gagnvar þremur unglingsstúlkum.