Hvað er Grande að reyna að segja?

Ariana Grande var að senda frá sér nýtt lag 1. apríl með söngkonunni Victoriu Monét. Vilja harðir aðdáendur Ariönu Grande nú fá svör við því hvort Grande sé tvíkynhneigð en í laginu syngja þær að þeim geðjist bæði að konum og körlum. 

Grande sem var meðal annars trúlofuð grínistanum Pete Davidson í fyrra og var lengi með rapparanum Mac Miller sem nú er látinn hefur ekki svarað aðdáendum sínum. Líklegt er að hún sé bara að njóta athyglinnar sem lagið fær vegna textans. E! bendir einnig á að Monét sem syngur lagið með Grande hafi opnað sig um tvíkynhneigð sína í fyrra. 

Hvað er Ariana Grande þá að reyna að segja? Kannski þarf ekki að túlka það neitt sérstaklega.  

• Blogga um frétt