Skoska hljómsveitin The Proclaimers skemmti aðdáendum sínum í Eldborgarsal Hörpu í kvöld. Tvíburarnir Craig og Charlie höfðu stundvísina í hávegum að sögn ljósmyndara mbl.is á vettvangi, því þeir voru mættir á sviðið á slaginu og slógu þar í fyrsta lag.
Aðdáendur sveitarinnar virtust kunna vel að meta, en hljómsveitin ætlar í kvöld að skemmta þeim bæði með öllum sínum helstu smellum og einnig með glænýju efni.