Meghan farin af stað
Setja bókamerki
/frimg/1/42/34/1423472.jpg)
Meghan Markle, hertogaynjan af Sussex, er farin af stað í fæðingu. Þetta kemur fram í tilkynningu frá Buckingham-höll.
Harry og Meghan tilkynntu í október síðastliðnum að þau ættu von á sínu fyrsta barni, við upphaf opinberrar heimsóknar til Ástralíu og Nýja-Sjálands.
/frimg/1/9/2/1090284.jpg)
Venju samkvæmt hjá konungsfjölskyldunni er settur dagur ekki gefinn upp, en konungssinnar hafa beðið með öndina í hálsinum síðustu daga og jafnvel vikur. Og nú er stóri dagurinn upp runninn.
Harry og Meghan greindu frá því í síðasta mánuði að þau vilja að að fæðing barns þeirra fari fram í næði og utan sviðsljóss fjölmiðla. Er það ólíkt því skipulagi sem var í kringum fæðingu þriggja barna Vilhjálms prins og Katrínar hertogaynju en þau voru öll sýnd almenningi og fjölmiðlum leyft að mynda þau, skömmu eftir fæðingu.
Ekki er til dæmis vita hvað Meghan ætlar að eiga barnið, það er hvort það verði á sjúkrahúsi eða jafnvel heimafæðing. Þá er ekki vitað hvernig barnið verður kynnt fyrir almenningi, en búast má við að það verði einhverjum dögum eftir fæðinguna. Hjónin opnuðu Instagram-reikning í byrjun apríl og verður mynd af barninu án efa birt þar, sem og á öðrum opinberum miðlum konungsfjölskyldunnar.
Barnið verður sjöunda í erfðaröðinni að krúnunni, á eftir Karli Bretaprins, Harry og Vilhjálmi og börnum hans þremur.
/frimg/1/52/96/1529614.jpg)
Hálf öld liðin frá hvarfi Geirfinns
Unnu eftir kröfugerð sem lögð var fram í upphafi
Viðreisn í mikilli sókn
Viðreisn krefst aðildarviðræðna við ESB
Þórður mun ekki taka þingsæti
„Það er sárt að svona fór“
Umræðan var óþægileg fyrir Þórð og flokkinn allan
Ingibjörg skiptir um skoðun á ummælum Þórðar