HBO fjarlægir bollann
Setja bókamerki
Bolli? Hvaða bolli?
Einn umtalaðasti kaffibolli sem sést hefur í sjónvarpsþætti fyrr og síðar hefur verið fjarlægður. Um er að ræða einnota kaffibolla frá kaffihúsakeðjunni Starbucks, sem sást í atriði í nýjasta Game of Thrones þættinum þar sem Daenerys Targaryen sat við borð í samkvæmi (nánar tiltekið á mínútu 17:38).
Aðdáendur þáttanna töluðu varla um annað eftir þáttinn og hafa framleiðendur þáttanna, HBO, viðurkennt að bollinn hafi verið á tökustað fyrir mistök, en gerðu á sama tíma góðlátlegt grín af öllu saman.
Nú, 48 klukkustundum frá því að þátturinn var frumsýndur, hefur bollinn verið fjarlægður úr þættinum á streymisveitu HBO. Þetta staðfestir talskona HBO í samtali við The New York Times.
Það breytir því hins vegar ekki að aðdáendur þáttanna munu seint gleyma kaffibollanum og hafa samfélagsmiðlanotendur keppst við að nýta sér bollann til að glæða Twitter og fleiri samfélagsmiðla lífi. Sem dæmi má nefna þessa örmyndasögu eftir Sephko þar sem Daenerys, sem ber ótal titla, kemur starfsmanni Starbucks í klípu þegar hann spyr hana að nafni.
Þetta eru ráðherrar ríkisstjórnarinnar
Barn lést í árásinni
Forstjóri bendir á ábyrgð birgja vegna verðhækkana
„Börn heima sem maður myndi vilja hafa í skjóli“
Lát hjóna í Neskaupstað: Ákæra gefin út
Bein útsending: Ríkisstjórnarsamstarfið kynnt
„Tímabil aukinnar eldvirkni“
„Mér finnst gamla Samfylkingin komin aftur“
