Kaffibollinn í Game of Thrones útskýrður

HBO, framleiðendur Game of Thrones, gera góðlátlegt grín af sjálfum sér vegna „stóra kaffibollamálsins“ í síðasta þætti Game of Thrones sem var frumsýndur aðfaranótt mánudags. 

Frétt af mbl.is

Kaffibolli í Game of Thrones

Í umræddum þætti, sem er sá fjórði í áttundu og jafnframt síðustu þáttaröð Krúnuleikanna, sást glitta einnota kaffi­bolla frá kaffi­húsa­keðjunni Star­bucks í atriði þa rsem Daenerys Targaryen sat við borð í samkvæmi. 

„Kaffibollinn sem birtist í þættinum var fyrir mistök. Daenerys pantaði sér jurtate,“ segir í yfirlýsingu frá HBO, sem hefur jafnframt beðist velvirðingar á að kaffibollinn hafi komist í gegnum allt framleiðsluferlið óáreittur.

Starbucks hefur að sjálfsögðu nýtt sér atvikið, enda er líklega hvergi betra að auglýsa en í einum af vinsælustu sjónvarpsþáttum heims þessa stundina. 

Hauke Richter, listrænn stjórnandi þáttanna, segir í tölvupósti sem hann sendi á Variety að það komi vissulega fyrir að það gleymist að fjarlægja hluti sem eiga ekki heima á tökustað milli taka en að stórmál hafi verið gert úr kaffibollanum þar sem þetta er í fyrsta sinn sem aðskotahlutur sést í atriði Game of Thrones, sem verður að telja ansi vel af sér vikið þar sem þátturinn á sunnudag var sá 69. í röðinni.  

• Blogga um frétt