Hvíta-Rússland rekið úr dómnefnd
Setja bókamerki
Öllum fulltrúum Hvíta-Rússlands í dómnefnd Eurovision hefur verið vísað úr nefndinni eftir að þeir greindu frá því hvernig atkvæðum þeirra hafði verið varið í undankeppninni í vikunni. Slíkt er brot á reglum Eurovision. Það má ekki greina frá þessum atkvæðum fyrr en að aðalkeppni lokinni.
„Atkvæðin úr dómnefnd Hvíta-Rússlands voru gerð opinber í viðtali, sem brýtur gegn reglum keppninnar. Til þess að fylgja þeim eftir hefur EBU [Samtök evrópskra sjónvarpsstöðva] gripið til aðgerða og vísað hvítrússnesku dómnefndinni úr allsherjardómnefndinni fyrir lokakvöldið á laugardag,“ segir í tilkynningu frá stjórnendum hátíðarinnar.
„Heildarniðurstaða, sem stjórnendur samþykkja, verður notuð til að ákvarða hverjum atkvæði Hvítrússa verða úthlutuð,“ segir jafnframt. Ekki liggur fyrir hvernig þeim útreikningi verður háttað.
Ein úr hvítrússnesku nefndinni hafði fullyrt að hún hafði gefið Íslandi mínus í undankeppninni, þannig að þessar fréttir kunna að vera góðar fyrir Íslendinga, þar sem hennar atkvæði verður ekki til að dreifa í kvöld. Atkvæðagreiðsla hvítrússnesku dómnefndarinnar hafa auk þess sögulega ekki verið Íslendingum hliðholl.
Rússar sagðir útvega N-Kóreu milljón olíutunnur
Fullvissa ferðamenn um að hér sé öruggt
Börn hafi engan rétt á leikskólakennslu
Sólveig Anna furðar sig á aðferðum kennara
Líklega komin á seinni hluta hrinunnar í Svartsengi
/frimg/1/53/8/1530849.jpg)
Fatlaður drengur fær ekki þjónustu í verkfalli
Drónamyndskeið frá hápunkti gossins í nótt