Ekkert mál fyrir Hatara
Setja bókamerki
/frimg/1/53/24/1532482.jpg)
Fulltrúar Íslands í Eurovision eru á heimleið og var ekkert mál fyrir Hatara-hópinn að fara í gegnum eftirlit á flugvellinum í Tel Aviv að sögn Felix Bergssonar, fararstjóra íslenska Eurovision-hópsins. Flugvél íslenska hópsins var að fara í loftið frá Ben Gurion-flugvelli nú á áttunda tímanum.
Norskur dansari úr föruneyti söngkonunnar Madonnu sætti yfirheyrslum í tæpar tvær klukkustundir á flugvellinum í Tel Aviv í gær en Mona Berntsen bar þjóðfána Palestínu á baki sér og sýndi hann í dansatriði Madonnu í söngvakeppninni á laugardag.
Ekki er óalgengt að fólk lendi í löngum yfirheyrslum á ísraelskum flugvöllum þegar það yfirgefur landið.
Líkt og fram kom í frétt mbl.is árið 2006 var Dorrit Moussaieff, þáverandi forsetafrú, stöðvuð af ísraelskri lögreglu á Ben Gurion-flugvelli í Ísrael, þegar hún hugðist halda þaðan að lokinni þriggja daga dvöl í landinu. Var Dorrit kyrrsett á vellinum í tæpar tvær klukkustundir áður en hún fékk að fara úr landi.
Auðlindagjaldið hljómar vel
Lyklaskipti í ráðuneytunum
Bjarni afhenti Kristrúnu lyklana
„Þetta er ríkisstjórn almannahagsmuna“
Það er ekkert partí án spurninga!
Segir að verið sé að svindla á Bandaríkjunum
Skattamál verði líklega „þeirra mesta klemma“