Harington leitar sér hjálpar

Breski leikarinn Kit Harington hefur ákveðið að fara í meðferð til að vinna í persónulegum málefnum að því er BBC greinir frá. Samkvæmt talsmönnum hans ákvað hann að nýta tímann eftir að Game of Thrones kláraðist til að vinna í sjálfum sér. Hann hefur verið undir miklu álagi síðustu misseri. 

Harington fór með hlutverk Jon Snow í þáttunum Game of Thrones, sem runnu sitt skeið nýlega. 

Í nýlegu viðtali við Variety greindi hann frá því að hann hafi fundið fyrir þreytu og álagi síðustu mánuðina í tökum. Síðustu tökudagarnir voru að hans sögn mjög hjartnæmir. 

Í nýrri heimildarmynd, The Last Watch, sem fjallar um gerð síðustu þáttaraðarinnar af Game of Thrones má sjá Harington bresta í grát þegar endalok mótleikkonu hans, Emiliu Clarke, eru lesin. 

• Blogga um frétt