Íslenska tónlistarkonan Glowie mun hita upp fyrir tónleika Ed Sheeran sem haldnir verða á Laugardalsvelli 10. og 11. ágúst næstkomandi.

Sheeran sjálfur valdi Glowie til að hita upp fyrir tónleikana eftir að hafa hlustað á tónlist hennar. Glowie er aðeins 21 árs en hefur nú þegar landað stórum plötusamning við Columbia og býr nú í London þar sem hún vinnur hörðum höndum að fyrstu breiðskífu sinni. Fyrstu lögin af væntanlegri breiðskífu, Body og Cruel, komu út fyrir skemmstu og hafa bæði gengið vel víða um heim. 

Glowie verður í góðum félagsskap í upphitun fyrir tónleikana en stórstjörnurnar James Bay og Zara Larsson munu einnig koma fram. 

Ed Sheeran er mikill Íslandsvinur, en hann mun halda tónleika hér á landi 10. og 11. ágúst næstkomandi. skjáskot/Instagram

Tengdar fréttir

Ed Sheeran á Íslandi

Hélt agnarsmátt brúðkaup þrátt fyrir auðæfin

• Ed Sheeran kominn í 18 mánaða frí
• Ljúfi föli rauðhausinn Sheeran
• Ed Sheeran í skýjunum
• Fór létt með að lyfta Sheeran

» Fleiri tengdar fréttir

• Blogga um frétt