Austin Butler verður Elvis Presley

Leikarinn Austin Butler hefur verið valinn í hlutverk Elvis Presley í ævisögumynd sem fjallar um ævi Presley. 

Warner Bros sendu frá sér tilkynningu þess efnis í gær að hinn 27 ára gamli leikari hafi verið valinn í hlutverkið. Valið stóð á milli Butlers og fjögurra annarra leikara, þeirra Ansel Elgort, Harry Styles, Aaron Taylor-Johnson og Miles Teller.

Baz Luhrman leikstýrir kvikmyndinni. Hann sagði í tilkynningunni að hann hafi ekki að ætlað að gera þessa mynd nema að hann fyndi hina fullkomnu leikara í öll hlutverk.

Í ævisögumyndinni verður hið flókna líf Elvis Presley skoðað og samband hans við umboðsmanninn Colonel Tom Parker. Stórleikarinn Tom Hanks mun túlka persónu umboðsmannsins.

Butler hefur aðeins reynt fyrir sér á hvíta tjaldinu en hann fór með hlutverk í kvikmyndinni The Dead Don't Die og fer einnig með hlutverk í væntanlegri mynd Quentin Tarantino, Once Upon a Time In Hollywood.

Frétt af mbl.is

Hver mun leika Elvis?

• Blogga um frétt