RIFF hefst í næstu viku

Alþjóðleg kvikmyndahátíð í Reykjavík, RIFF, hefst í næstu viku, fimmtudaginn 26. september nk. með frumsýningu á End of Sentence eftir Elvar Aðalsteins, og lýkur 6. október með frumsýningu á Parasite, eftir Bong Joon-ho, en sú mynd vann aðalverðlaunin í Cannes í vor.

Sýningar fara að mestu fram í Bíó Paradís en einnig verða nokkrar sérsýningar í Norræna húsinu, Sundhöll Reykjavíkur og Loft hostel til dæmis. Auk þess verður kvikmyndadagskrá RIFF úti um alla borg, meðal annars á bókasöfnum, í félagsheimilum, fangelsum og á hjúkrunarheimilum – undir nafninu RIFF Around Town, að því er fram kemur í tilkynningu.

RIFF hátíðin er nú haldin í sextánda sinn en myndir á hátíðinni eiga það flestar sammerkt að vera splunkunýjar, margar hverjar heimsfrumsýndar nýlega í Cannes, Feneyjum og Toronto, og endurspegla það besta sem alþjóðleg kvikmyndagerð hefur upp á að bjóða.

Dagskrá RIFF má nálgast hér.

• Blogga um frétt