Stony landar hlutverki í lögfræðidrama

Íslenski leikarinn Þorsteinn Sindri Baldvinsson, betur þekktur sem Stony Blyden, fékk á dögunum hlutverk í nýjum lögfræðiþáttum á bandarísku sjónvarpsstöðinni NBC.

Þættirnir nefnast Bluff City Law og skartar stórstjörnum í Hollywood ásamt Stony. Hann fer með hlutverk Emerson, aðstoðarmanns lögfræðinga á stórri lögfræðistofu. 

Mótleikarar hins 26 ára gamla Stony eru meðal annars Jimmy Smits og Jayne Atkinson. Smits hefur leikið í þáttum á borð við NYPD Blue, The West Wing, Sons of Anarchy, Dexter og How to Get Away With Murder. Atkinson er þekkt fyrir hlutverk sitt í stjórnmáladramanum House of Cards. 

Stony vakti fyrst at­hygli er­lend­is þegar hann gaf út sína eig­in út­gáfu af lag­inu „Can't Hold Us“ með Macklemore og náði öðru sæt­inu í ábreiðukeppni Ryan Seacrest. Í kjöl­farið bauðst Þor­steini aðal­hlut­verkið í aug­lýs­ingu Pepsi fyr­ir heims­meist­ara­mót karla í knatt­spyrnu. 

Frétt af mbl.is

Úr Pepsi auglýsingum í plötuútgáfu

Í viðtali við The New York Post ræðir Stony um uppvöxt sinn og hvernig hann á endanum landaði þessu hlutverki. Blaðamaður NYP tekur fram að Stony tali lýtalausa ensku, en Stony segist hafa mest lært af sjónvarpsþáttunum Friends og Seinfeld. 

Hann segist vera glaður með að leika loksins persónu sem er eldri en 17 ára, en hann hefur farið með nokkur hlutverk táningsdrengja í gegnum árin.

Fyrsti þátturinn af Bluff City Law verður sýndur á mánudaginn næstkomandi og hefur NBC gert samning upp á 15 þætti til viðbótar. 

• Blogga um frétt