Bieber-hjónin giftu sig loksins aftur

Rúmlega ár er síðan Justin og Hailey Bieber gengu löglega í hjónaband en í gærkvöldi var loksins komið að formlegri athöfn sem beðið hefur verið eftir með eftirvæntingu. Tónlistarmaðurinn og fyrirsætan létu pússa sig saman í Suður-Karólínu í Bandaríkjunum að því er fram kemur á vef People. 

Bieber-hjónin létu pússa sig saman fyrir framan 154 gesti, þar á meðal Kendall Jenner, Camilu Morrone og umboðsmann Bieber, Scooter Braun. Athöfnin fór fram í kapellu en veislan á lúxushótelinu Monta­ge Pal­metto Bluff.

Frétt af mbl.is

Sjáðu hótelið þar sem Bieber-hjónin gifta sig

Heimildarmaður People greinir frá því að fyrir athöfnina hafi gestir safnast saman í fordrykk. Eftir athöfnina var boðið upp á kokteila en að þeim tíma loknum var kvöldverður. 

Þó svo að ekki hafi verið sýnt beint frá brúðkaupinu á Instagram fóru hjónin ekki beint í felur með brúðkaupið. Rétt áður en tónlistarmaðurinn gekk upp að altarinu birti hann mynd af úri á Instagram sem hann sagðist hafa gefið sjálfum sér brúðargjöf. 

• Blogga um frétt