Heiðdís Rós og Sepahifar slíta trúlofuninni

Förðunarfræðingurinn Heiðdís Rós Reynisdóttir, betur þekkt sem Heiðdís Rós Celebrity MUA, og Farzad Sepahifar hafa slitið trúlofun sinni.

Frétt af mbl.is

Það stoppar enginn Heiðdísi Rós

Heiðdís og Sepahifar hafa verið saman í um ár og trúlofuðu sig þann 14. september síðastliðinn. Hún hefur lýst honum sem draumaprinsinum sínum og sálufélaga. 

Mikil dramatík hefur einkennt sambandsslitin en í myndbandi sem Sepahifar setti inn á Instagram í gær er hann kominn með nálgunarbann gegn Heiðdísi og koma þau fyrir dómara þann 20. nóvember næstkomandi. Hann eyddi myndbandinu síðar. 

Sambandsslitin hafa vakið mikla athygli á meðal aðdáenda Heiðdísar hér á landi og margir furðað sig yfir sambandsslitunum á Twitter. Hún á dyggan aðdáendahóp hér en um 6 þúsund manns fylgjast með henni á Instagram.

• Blogga um frétt