Chris Pratt mættur á klakann

Hollywood-leikarinn Chris Pratt er mættur til landsins. Leikarinn birti myndskeið á Instagram þar sem hann var staddur á jökli á Íslandi. Pratt er á landinu við tökur á myndinni The Tomorrow War en fleiri stórstjörnur á borð við J.K. Simmons fara með hlutverk í myndinni. 

Pratt spyr fylgjendur sína hvort þeir geti giskað á það hvar í heiminum hann sé staddur við tökur. Hann lýsir landinu sem köldu, fallegu og búnu til úr ís. Að lokum segir hann aðdáendum sínum frá því að landið heiti Ísland. Hann sýnir einnig mynd af upphækkuðum jeppa. 

Frétt af mbl.is

Chris Pratt væntanlegur til landsins

Leik­stjóri kvik­mynd­ar­inn­ar er Chris McKay, en hann leik­stýrði meðal ann­ars The Lego Batman-kvik­mynd­inni. Myndin sem bar vinnuheitið Ghost Draft á að ger­ast í framtíðinni þar sem mann­kynið er að tapa stríði við geim­ver­ur. Til að vinna stríðið finna vís­inda­menn leið til að sækja her­menn úr fortíðinni.

Chris Pratt var hrifinn af jeppanum. Skjáskot/Instagram

• Blogga um frétt