Hildur tilnefnd til Grammy-verðlauna
Setja bókamerki
Hildur Guðnadóttir tónskáld er tilnefnd til Grammy-verðlaunanna 2020 fyrir tónlist sína við sjónvarpsþáttaröðina Chernobyl, en tilnefningarnar voru kynntar í dag. Hildur er tilnefnd fyrir bestu tónlist í sjónrænum miðlum, en sá flokkur nær yfir kvikmyndir, sjónvarpsþætti og tölvuleiki.
Tónlist Hildar í þáttunum geysivinsælum um Chernobyl hefur hlotið mikið lof og hefur hún þegar hlotið Emmy-verðlaun og World Soundtrack-verðlaun fyrir hljóðverkið, sem Hildur skapaði með hljóðum úr kjarnorkuveri og eigin rödd, en engum hljóðfærum, eins og hún lýsti í ítarlegu viðtali við Morgunblaðið í sumar.
Auk þess að hljóta verðlaun og tilnefningar fyrir tónlistina í Chernobyl hefur tónlist Hildar í stórmyndinni um Jókerinn einnig vakið athygli síðan myndin kom út í lok sumars.
Grammy-verðlaunin verða afhent 26. janúar, en hér að neðan má heyra eitt lag úr hljóðverki Hildar í Chernobyl-þáttunum.
/frimg/1/53/8/1530849.jpg)
Fatlaður drengur fær ekki þjónustu í verkfalli
Hentugt gos fyrst gýs á annað borð
Hótar Bretum og Bandaríkjamönnum
Nýtt fangelsi í landi Stóra-Hrauns tilbúið 2028
Sjötti ferðamaðurinn er látinn
Litlar líkur á að hraunið nái til mannvirkja
Þarf að koma til móts við ólíkar þarfir lækna
Rússar sagðir útvega N-Kóreu milljón olíutunnur