Pratt lofsamar náttúru Íslands

Bandaríski leikarinn Chris Pratt lofsamar Ísland í færslum sínum um Ísland þessa dagana. Kappinn hefur verið staddur hér í viku við tökur á kvikmynd sinni The Tomorrow War. 

Leikstjóri myndarinnar er Chris McKay sem er þekktastur fyrir myndirnar Robot Chicken, The Lego Movie og The Lego Batman Movie. Auk Pratt fara Yvonne Srahovski, J.K. Simmons, Betty Gilpin og Sam Richardson með hlutverk í myndinni.

Pratt hefur dvalið á suðausturhorni landsins við tökurnar og meðal annars sýnt myndir og myndbönd af Skálafellsjökli. „Svo þakklátur fyrir fólkið á Íslandi og fallega landslagið sem mun sjást í The Tomorrow War. Ótrúlegt!“ skrifar Pratt undir myndband af jöklinum. 

Leikarinn knái sló einnig á létta strengi þegar hann þóttist hafa séð norðurljósin en í raun var hann að taka myndband af mynd af norðurljósum á Fosshótel Vatnajökli.

• Blogga um frétt