Björk: Thunberg mun breyta heiminum
Setja bókamerki
Björk Guðmundsdóttir hrósar Gretu Thunberg í hástert og segir að sænska unglingsstúlkan eigi eftir að breyta heiminum. Þetta er haft eftir Björk á norska fréttavefnum Resett í dag.
Björk var með tónleika í Ósló á dögunum eins og mbl.is fjallaði um. Þar tók Thunberg þátt, eins og hún hefur gert á yfirstandandi tónleikaferðalagi Bjarkar, og ávarpaði tónleikagesti með myndbandsupptöku.
Björk segist hafa spurt Gretu hvort hún vildi lesa yfirlýsingu sem Björk hefði sjálf samið, en Greta hafi frekar viljað semja sinn eigin texta.
Thunberg kom til Madrídar í gær þar sem hún tekur þátt í loftslagsráðstefnu Sameinuðu þjóðanna, en sænska stúlkan hefur nýlokið við að sigla til baka yfir Atlantshafið, eftir ferð sína til Ameríku.
Björk segir að það sé „ótrúlegt að fylgjast með henni“, Greta sé einstök og hafi náð að virkja alþjóðlega hreyfingu. „Hún kemur til með að breyta heiminum,“ segir Björk.
Komið „meira púður“ í viðræðurnar
Skoða hvort Hvalur 8 og 9 geti hitað upp Suðurnes
Sleginn yfir grófri framkomu gegn fjölskyldunni
Slasað barn fær ekki styrk vegna leigu á hjólastól
Munu áfrýja beint til Hæstaréttar
Önnur aurskriða við Eyrarhlíð
