86 ára hættur að reykja gras en fer samt í vímu

Bandaríski tónlistarmaðurinn Willie Nelson segist vera hættur að reykja gras nú á gamals aldri. Hann er þó ekki hættur að fara í vímu, heldur nýtir aðrar leiðir til þess. 

Nelson hefur talað opinskátt um grasreykingar sínar í gegnum árin. Hann segist nú vera farinn að hugsa meira um heilsuna og er því hættur að reykja gras. 

Samkvæmt heimildarmanni TMZ eru það engar lygar hjá tónlistarmanninum. Hann veipi hins vegar og borði matvæli með kannabisjurtinni í svo hann komist í vímu. 

Hinn 86 ára gamli tónlistarmaður er við ágætisheilsu og kemur enn fram á tónleikum. Hann segist hlakka til þess að halda áfram á tónleikaferðalagi sínu á næsta ári. 

Tónlistin er ekki eina tekjulind Nelsons, heldur hefur hann byggt upp fyrirtæki í kannabisframleiðslu, Willie's Reserve. Fyrirtæki hans selur allt frá jónum til sælgætis með kannabisi í.

• Blogga um frétt