Marie Fredriksson úr Roxette látin

Sænska tónlistarkonan Marie Fredriksson er látin, 61 árs að aldri, en hún gerði garðinn frægan sem annar liðsmaður sænska poppdúettsins Roxette, sem naut mikilla vinsælda á níunda og tíunda áratugnum.

Marie Fredriksson og Per Gessle á tónleikum árið 2011. AFP

Umboðsmaður Fredriksson greindi frá andláti hennar, að því er segir á vef BBC. Roxette sló í gegn með smellum á borð við The Look, Joyride og It Must Have Been Love. 

Umboðsmaður Fredriksson segir í yfirlýsingu að hún hafi látist í gær eftir að hafa glímt við krabbamein í 17 ár. 

 „Þú varst yndislegur vinur í rúm 40 ár,“ sagði tónlistarmaðurinn Per Geesle sem var hinn hluti Roxette-dúettsins. „Ekkert verður eins og það var,“ bætti hann við. 

Roxette árið 1999. AFP

• Blogga um frétt