Leikarinn Kevin Spacey, sem ásakaður hefur verið ítrekað um kynferðislega áreitni og óviðeigandi hegðun gagnvart karlmönnum frá því á níunda áratugnum, sendi í gær frá sér nokkuð óræða jólakveðju á Youtube. Þetta er annað árið í röð sem leikarinn sendir slíka kveðju frá sér, en í henni bregður hann sér í hlutverk Francis Underwood sem hann lék í þáttunum Spilaborg.

Í kveðjunni í ár, nefnir Spacey að hann sé aftur kominn til góðrar heilsu og segir að árið sem sé að líða hafi verið þokkalega gott ár. Þá segist hann vilja sjá „meira gott í heiminum“.

„Ég veit hvað þú ert að hugsa. Getur honum verið alvara? Mér er dauðans alvara,“ segir Spacey í myndbandinu.

Þá segir hann að næst þegar einhver geri eitthvað sem þér líkar ekki við getur þú farið í árás, en einnig sé hægt að halda aftur að sér og gera hið óvænta. „Þú getur... drepið þá með góðmennsku“ (e. kill with kindness).

Frétt af mbl.is

Fella niður mál gegn Spacey

Kevin Spacey er sextugur, en fyrir rúmlega tveimur árum var hann fyrst sakaður um kynferðislega áreitni gegn leikaranum Anthony Rapp. Var hann þá aðeins 14 ára gamall. Síðan þá stigu fjölmargir fram til viðbótar sem sögðu Spacey hafa brotið gegn þeim. Spacey hefur sjálfur ávallt haldið fram sakleysi sínu.

Hann var ákærður í einu máli í byrjun ársins, en í júlí ákvað saksóknari að fella málið niður.

Frétt af mbl.is

Enn ein kæran á hendur Spacey

Spacey lét áður aðalhlutverkið í þáttunum Spilaborg (e. House of Cards) sem stjórnmálamaðurinn Francis Underwood. Eftir að ásakanirnar komu fram var Spacey rekinn frá þáttunum og hefur hann haldið sig til hlés síðan. Það er þangað til hann sendi frá sér kveðjuna í fyrra og svo aftur núna í gær. Í fyrri kveðjunni virtist hann taka til varna vegna ásakananna, þótt það væri allt gert í hlutverki Francis.

Kveðjuna frá í fyrra má sjá hér: 

Tengdar fréttir

Kynferðisbrot í Hollywood

Sakar Vin Diesel um kynferðisbrot á hóteli

• Höfðar mál gegn Weinstein og Disney
• Kanna ásakanir á hendur Russell Brand
• Ásakanir á hendur Brand veki upp spurningar
• Brand sakaður um kynferðisbrot

» Fleiri tengdar fréttir

• Blogga um frétt