Mama June og kærastinn rústuðu hótelherbergi
Setja bókamerki
Raunveruleikastjarnan Mama June og kærastinn hennar Geno eru sögð hafa rústað hótelherbergi í Georgíu-ríki fyrr í haust.
Mama June og Geno hafa búið á hótelum hér og þar um Georgíu-ríki síðan í sumar eftir að hún seldi húsið sitt fyrir 100 þúsund bandaríkjadali í beinhörðum peningum.
Þau eru sögð hafa rústað umræddu hótelherbergi á Fair Bridge Inn & Suites í suðurhluta Atlanta-borgar í kjölfar rifrildis. Af myndunum af herberginu að dæma var rifrildið ansi harkalegt. Lögreglan var kölluð á staðinn vegna hávaða en engin skýrsla af atvikinu er til og hvorugt þeirra var handtekið. Myndir má sjá á vef TMZ.
Þau brutu sjónvarpið, lampa og spegil og dreifðu rusli um allt. Þar á meðal voru rifnir 20 dala seðlar. Samkvæmt heimildum TMZ greiddu þau þúsund bandaríkjadali til hótelsins en það hefur ekki fengist staðfest vegna þess að hótelið hefur síðan skipt um eigendur.
Fer annan hring í borginni og framkvæmdir frestast
Björn segir af sér stjórnarformennsku
Þórdís ætlar ekki að bjóða sig fram
Fordæmalaust fárviðri sem gæti orðið sögulegt
„Hann neitaði ekki sök á þessum fundi“
„Breytir ekki okkar viðbúnaði“
Kennarar hafi ekki svarað foreldrum