Sigurför Hildar heldur áfram
Setja bókamerki
Tónskáldið Hildur Guðnadóttir hlaut í gær verðlaun á verðlaunahátíð Samtaka tónskálda og textahöfunda í Los Angeles í gær. Variety greinir frá.
Hildur hlaut verðlaun fyrir bæði tónlist sína í kvikmyndinni Joker og í þáttunum Chernobyl. Á sunnudag vann Hildur til Golden Globe-verðlaunanna fyrir tónlist sína í Joker auk þess sem hún vann Emmy-verðlaun í september síðastliðnum fyrir tónlistina í Chernobyl.
Það er því ljóst að sigurför Hildar er alls ekki lokið en á mánudag var hún einnig tilnefnd til BAFTA-verðlauna. Líklegt þykir að Hildur verði tilnefnd til Óskarsverðlauna en tilnefningarnar til þeirra verða opinberaðar á mánudaginn kemur.
Í þakkarræðu sinni á verðlaunahátíðinni í gær þakkaði hún sérstaklega fyrir hlýjar móttökur inn í heim tónskálda og textahöfunda.
Úrskurðurinn gerði illt verra: Staðan „mjög döpur“
Telja sig hafa fundið orsök veikindanna
Ríkið fær stuðning ríflega til baka
Hefur verið boðinn borgarstjórastólinn
Talaði um Guð, djöfulinn og Jesú við handtöku
Tugmilljóna tjón eftir ofsaveðrið
Telur dóminn ekki hafa áhrif á viðræður